ANG MGA HALIMBAWA NG MAKABAGONG BID-AH
ITO AY ANG MGA SUMUSUNOD:
1. PAGDIRIWANG SA KAARAWAN NG PROPETA (saw).
2. MGA BID-AH SA LARANGAN NG MGA PAGSAMBA AT PAGPAPALAPIT SA ALLAH.
ANG MGA MAKABAGONG BID-AH AY MARAMI DAHIL SA PAGLALAON NG PANAHON AT KAKAUNTIAN NG KAALAMAN AT SA DAMI NG MGA TAGAPAGPALAGANAP NG MGA BIDAH, MGA PAGSALUNGAT, AT PAGLAGANAP NG PAGTULAD SA MGA HINDI MUSLIM SA MGA GAWI NILA AT MGA SEREMONYA.
PATOTOO SA SINABI NG PROPETA (saw): [TIYAK NA SUSUNDIN NINYO ANG MGA GAWI NG MGA NAUNA SA INYO]. (ISINALAYSAY NI AT-TIRMIDHI)
1. ANG PAGDIRIWANG SA KAARAWAN NG PROPETA (saw) SA BUWAN NG RABI` ALAWWAL: ITO AY PAGTUTULAD SA MGA KRISTIYANO SA GAWAING TINATAWAG NA PAGDIRIWANG NG KAARAWAN NI KRISTO (PASKO). NAGDIDIRIWANG ANG MGA MANGMANG SA MGA MUSLIM O MGA ESKOLAR NA MAPANLIGAW SA BUWAN NG RABI` AL-AWWAL TAON-TAON, DAHIL SA KAARAWAN NG SUGO (MUHAMMAD .) KAYA MAYROON SA KANILA NA NAGDARAOS NG PAGDIRIWANG NA ITO SA MGA MASJID AT MAYROON DIN SA KANILA NA NAGDIRIWANG NITO SA MGA BAHAY-BAHAY O MGA LUGAR NA INIHANDA PARA ROON.
DINADALUHAN IYON NG MARAMING MGA TAO, NG MGA MADLA, GINAGAWA NILA IYON BILANG PAGTULAD SA MGA KRISTIYANO SA PAG-IMBENTO NILA NG PAGDIRIWANG NG KAARAWAN NI KRISTO (AS). KADALASAN, ANG PAGDIRIWANG NA ITO BUKOD PA SA PAGIGING ISANG BID-AH AT PAGTULAD SA MGA KRISTIYANO, HINDI RIN ITO NAWAWALAN NG MGA GAWAING MAKA-SHIRK AT MASAMA, TULAD NG PAG-UUSAL NG MGA TULANG NAGLALAMAN NG PAGMAMALABIS SA KUNG ANO LAMANG ANG SADYANG NAUUKOL SA SUGO (saw), ANUPA’T UMABOT PA SA PUNTO NA DINADALANGINAN NA SIYA BUKOD PA SA ALLAH AT HINIHINGAN NG SAKLOLO GAYONG IPINAGBAWAL NG PROPETA (saw) ANG PAGPAPALABIS SA PAGPUPURI SA KANYA.
KAYA SINABI NIYA (saw): ْ[HUWAG NINYO AKONG PAPURIHAN NANG NAG-UUMAPAW TULAD NG GINAWANG NAG-UUMAPAW NA PAGPUPURI NG MGA KRISTIYANO SA ANAK NI MARIA, AKO AY ISANG LINGKOD LAMANG, KAYA SABIHIN NINYO: LINGKOD NG ALLAH AT KANYANG SUGO]. (ISINALAYSAY NI AL-BUKHARI AT MUSLIM)
AL-ITHRA’: ANG KAHULUGAN NITO AY ANG NAG-UUMAPAW NA PAGPAPAPURI. MAAARING PINANINIWALAAN PA NILA NA ANG SUGO (saw) AY DUMADALO SA KANILANG MGA PAGDIRIWANG. ANG ILAN SA MGA KASUKLAM-SUKLAM NA GAWAIN NA UMALINSABAY SA MGA PAGDIRIWANG NA ITO AY ANG MGA TULANG PINAPAGANDA ANG TUNOG NA SABAYSABAY BINIBIGKAS AT PAGTUGTUG NG MGA TAMBOL AT IBA PANG MGA DHIKR NA GAWA-GAWA NG MGA SUFE, AT PUWEDENG MAGKAROON NG HALUBILO SA PAGITAN NG MGA LALAKI AT MGA BABAE NA SIYANG NAGSISILBING DAHILAN NG PAGKAKAROON NG TUKSO AT SIYANG HUMIHILA SA PAGKAKASADLAK SA MGA KAHALAYAN. AT KAHIT PA MAN HINDI MAGLAMAN ANG MGA PAGDIRIWANG NA ITO NG MGA IPINAGBABAWAL AT MALIMITAN LAMANG SA PAGTITIPON, PAGKAIN AT PAGPAPAMALAS NG KASAYAHAN - GAYA NG SINASABI NILA - IYON AY BID-AH PA RIN NA MAKABAGONG GAWA-GAWA, SAPAGKAT ANG BAWAT MAKABAGONG GAWA-GAWA AY BID-AH AT ANG LAHAT NG BID-AH AY PAGKALIGAW.
ISA PA, ITO AY DAAN NA NAUUWI SA PAGLAGO AT PAG-IRAL NG MGA KASUKLAM-SUKLAM NA BAGAY NA UMIIRAL NA SA IBA PANG MGA PAGDIRIWANG.
AT ANG MASASABI NATIN AY GANITO: ITO AY BID-AH, SAPAGKAT WALA ITONG BATAYAN SA QURAN, SA SUNNAH AT SA GAWAIN NG MGA MABUBUTING SALAF (SINAUNANG NINUNO) AT NG MGA ITINANGING SIGLO. LUMITAW LAMANG ITO BANDANG HULI PAGKATAPOS NG IKA-APAT NA SIGLO NG HIJRAH, GINAWA-GAWA ITO NG MGA FATIMI NA MGA SHE`IE.
SINABI NI IMAM ABU HAFS TAJUDDEEN AL-FAKIHANI (KAAWAAN NAWA SIYA NG ALLAH): “PAULIT-ULIT NA, ANG TANONG NG PANGKAT NG MGA SUMASANG-AYON SA PAGTITIPONG GINAGAWA NG ILAN SA MGA TAO SA BUWAN NG RABI` AL-AWWAL NA TINATAWAG NILANG MAWLID; KUNG IYON BA AY MAY BATAYAN SA RELIHIYONG ISLAM. YAMANG NAGSADYA SILA PARA SA SAGOT NA MAGLILINAW HINGGIL DOON AT PALIWANAG NA MAGBIBIGAY DETALYE DOON.
KAYA ANG MASASABI KO: NAWA’Y PATNUBAYAN AKO NG ALLAH AY GANITO: WALA AKONG NALALAMAN NA ANG MAWLID NA ITO AY MAY BATAYAN SA QURAN, NI SA SUNNAH. AT ANG PAGSASAGAWA NITO AY HINDI NATUKOY NG ISA MAN SA MGA ESKOLAR NG SAMBAYANANG ISLAM, NA SIYANG MGA HUWARAN NATIN SA RELIHIYONG ISLAM, NA SIYANG MGA SUMUSUNOD SA MGA BAKAS NG MGA NAUNANG (SALAF).
DATAPUWAT IYON AY ISANG BID-AH NA GINAWA-GAWA NG MGA BULAAN AT ISANG KASUWAPANGAN NG TAO NA IKINAYAMAN NG MGA MASISIBA.
SINABI NAMAN NI IBNU TAIMIYAH (KAAWAAN NAWA SIYA NG ALLAH): GANYAN NGA ANG GINAWA-GAWA NG ILANG MGA TAO, MAAARING DAHIL SA PAGGAYA SA MGA KRISTIYANO SA (PAGDIRIWANG NILA) NG KAARAWAN NI ISA (SUMAKANYA NAWA ANG KAPAYAPAAN). O MAAARI DIN DAHIL SA PAGMAMAHAL AT PAGDAKILA SA PROPETA (saw)……ANG SINUMANG GAWIN ANG KAARAWAN NG PROPETA (saw) BILANG ISANG PAGDIRIWANG, BAGAMA’T NAGKAKAIBA ANG MGA TAO KUNG KAILAN ANG KANYANG KAPANGANAKAN.
SA KATUNAYAN, HINDI ITO GINAWA NG MGA SINAUNANG NINUNO. AT KUNG ITO TALAGA AY TUNAY NA MABUTI AT KANAIS-NAIS, MANGYARING ANG MGA SINAUNANG NINUNO ANG HIGIT NA KARAPAT-DAPAT NA NAUNANG MAGSAGAWA NITO KAYSA SA ATIN, SAPAGKAT SILA ANG MAY HIGIT NA MATINDING PAGMAMAHAL SA PROPETA (saw). AT PAGDAKILA SA KANYA KAYSA SA ATIN. SILA SA KABUTIHAN AY HIGIT NA MASIGASIG. ANG PAGMAMAHAL SA KANYA AT PAGDAKILA SA KANYA AY TANGING NASA PAGSUNOD SA KANYA, PAGTALIMA SA KANYA, PAGSUNOD SA KANYANG UTOS, PAGSASABUHAY NG KANYANG SUNNAH MAGING PALIHIM AT HAYAGAN.
PAGPAPALAGANAP NG KANYANG MENSAHE AT ANG PAKIKIBAKA PARA ROON SA PAMAMAGITAN NG PUSO, GAWA AT SALITA. TUNAY NA ITO ANG PAMAMARAAN NG MGA SINAUNA NA NANGUNGUNA (SA ISLAM) NA MGA “MUHAJIREEN” (TAGA MAKKAH) AT MGA “ANSAR” (TAGA MADINAH) AT NG MGA SUMUSUNOD NANG MAIGI SA KANILA. SA KATUNAYAN, MAYROONG SINAUNA AT MAKABAGONG MGA AKLAT AT MGA LATHALAIN NA ISINULAT SA PAGTUTULIGSA SA BID-AH NA ITO. BUKOD PA SA ITO AY BID-AH AT PAGTUTULAD (SA MGA KRISTIYANO) AY NAGBIBIGAY DAAN SA PAGDARAOS NG IBA PANG MGA KAARAWAN, TULAD NG KAARAWAN NG MGA WALI (TAGAPAMAHALA) MGA DAKILANG GURO, MGA PINUNO KAYA NAMAN BINUBUKSAN NITO ANG MARAMING PINTO NG KASAMAAN.
2. ANG MGA BID-AH SA LARANGAN NG PAGSAMBA AT PAGPAPAKALAPIT SA ALLAH: ANG MGA BID-AH NA GINAWA-GAWA SA LARANGAN NG MGA PAGSAMBA SA PANAHON NGAYON AY MARAMI. ANG BATAYAN SA MGA PAGSAMBA AY “TAWQIFI” (MAY PATUNAY MULA SA QURAN AT SA TAMANG SUNNAH). KAYA HINDI MAISASABATAS ANG ISANG BAGAY NA PAGSAMBA MALIBAN KUNG MAY PATUNAY.
KAYA ANUMANG BAGAY NA WALANG PATUNAY AY BIDAH DAHIL ANG SABI NG PROPETA (saw): [ANG SINUMANG GUMAWA NG ISANG GAWAIN NA HINDI NAKABATAY SA KAUTUSAN NAMING ITO, ITO AY TATANGGIHAN]. (ISINALAYSAY NI MUSLIM)