ANG NIFAQ NA IYON AY MAY ANIM NA URI:
1- ANG PAGPAPABULA SA SUGO (saw).
2- ANG PAGPAPABULA SA ILAN SA INIHATID NG SUGO (saw).
3- ANG PAGKAMUHI SA SUGO (saw).
4- ANG PAGKAMUHI SA ILAN SA INIHATID NG SUGO (saw).
5- ANG PAGKAGALAK SA PAGBABA NG KATAYUAN NG RELIHIYON NG SUGO (saw).
6- ANG PAGKASUKLAM SA PAGTATAGUMPAY NG RELIHIYON NG SUGO (saw).
PANGALAWA: ANG NIFAQ SA GAWA. ITO AY ANG PAGGAWA NG ANUMAN SA MGA GAWAIN NG MGA MUNAFIQ, BAGAMAT NANATILI PA RIN ANG PANANAMPALATAYA SA PUSO. ITO’Y HINDI NAKAPAGTITIWALAG SA ISLAM, NGUNIT ITO AY NAGSISILBING DAAN PATUNGO ROON. ANG TAONG SANGKOT SA GANITONG URI NG NIFAQ AY NAGTATAGLAY NG PANANAMPALATAYA AT NIFAQ, SUBALIT KAPAG DUMAMI ANG NIFAQ SANHI NITO AY MAGIGING ISA SIYANG LUBOS NA MUNAFIQ. AT ANG PATUNAY NITO:
SINABI NG PROPETA (saw): [MAY APAT NA KATANGIAN NA KAPAG TINAGLAY NG ISANG TAO ITO, SIYA AY MAGIGING LUBOS NA MUNAFIQ. AT KUNG SINUMAN ANG NAGTATAGLAY NG ISA SA MGA ITO, SIYA AY NAGTATAGLAY NG ISANG KATANGIAN NG NIFAQ HANGGANG HINDI NIYA INIIWAN ITO; “KAPAG SIYA AY PINAGKAKATIWALAAN, SIYA’Y TAKSIL, AT KAPAG SIYA’Y NAGSASALITA, SIYA AY NAGSISINUNGALING, AT KAPAG SIYA AY NANGANGAKO, HINDI SIYA TUMUTUPAD, AT KAPAG SIYA AY NAKIKIPAGTALO, NAGIGING MARAHAS SIYA SA PAGSASALITA”. (ISINALAYSAY NI ALBUKHARI AT MUSLIM).
KAYA KUNG NATIPON SA SINUMAN ANG APAT NA KATANGIANG ITO, NATIPON NA SA KANYA ANG KASAMAAN AT NALUBOS NA SA KANYA ANG MGA KATANGIAN NG MGA MUNAFIQ. KUNG SINUMAN ANG MAGTAGLAY NG ISA SA MGA ITO AY MAGKAKAROON SIYA NG ISANG KATANGIAN NG NIFAQ. MAAARING MATIPON SA ISANG TAO ANG MGA KATANGIAN NG KABUTIHAN AT MGA KATANGIAN NG KASAMAAN, MGA KATANGIAN NG PANANAMPALATAYA AT MGA KATANGIAN NG KUFR AT NIFAQ. MAGIGING KARAPAT-DAPAT SIYA SA GANTIMPALA AT KAPARUSAHAN NA ALINSUNOD SA GINAWA NIYANG MGA BAGAY NA MAGSISILBING DAHILAN SA PAGTAMO NIYON. KABILANG SA MGA IYON ANG PAGTATAMAD-TAMARAN SA PAGDALO SA SAMASAMANG PAGDARASAL SA MASJID, SAPAGKAT ITO AY ISA SA MGA KATANGIAN NG MGA MUNAFIQ. SAMAKATUWID, ANG NIFAQ AY LUBHANG MASAMA AT MAPANGANIB. ANG MGA SAHABAH NOON AY NAHIHINTAKUTAN NA MASADLAK SA NIFAQ.
SINABI NI IBNU ABI MALIKAH: MAY NAABUTAN AKONG TATLUMPO SA MGA SAHABAH NG SUGO NG ALLAH, LAHAT SILA’Y KINATATAKUTAN ANG NIFAQ PARA SA KANYANG SARILI.
MGA PAGKAKAIBA SA PAGITAN NG MALAKING NIFAQ AT MALIIT NA NIFAQ:
1. ANG MALAKING NIFAQ AY NAKAPAGPAPATIWALAG SA ISLAM, SAMANTALANG ANG MALIIT NA NIFAQ AY HINDI NAKAPAGPAPATIWALAG SA ISLAM.
2. ANG MALAKING NIFAQ AY ANG PAGKAKASALUNGATAN NG LIHIM NA PANINIWALA SA INILALANTAD NA PANINIWALA, SAMANTALANG ANG MALIIT NA NIFAQ AY ANG PAGKAKASALUNGATAN NG LIHIM AT MGA INILALANTAD NG MGA GAWA MALIBAN ANG PANINIWALA.
3. ANG MALAKING NIFAQ AY HINDI NAMUMUTAWI SA ISANG MANANAMPALATAYA, SAMANTALANG ANG MALIIT NA NIFAQ AY MAAARING MAMUTAWI SA ISANG MANANAMPALATAYA.
4. KADALASAN ANG NAKAGAGAWA NG MALAKING NIFAQ AY HINDI NAGSISISI AT KUNG SAKALI MANG MAGSISI, NAGKAKAIBA ANG OPINYON NG HUKOM HINGGIL SA PAGTANGGAP SA KANYANG PAGSISISI, TALIWAS NAMAN ITO SA MALIIT NA NIFAQ, SAPAGKAT ANG TAONG NAKAGAWA NITO AY MAAARING MAGBALIK-LOOB SA ALLAH AT TATANGGAPIN NAMAN NG ALLAH ANG KANYANG PAGSISISI.
AT TUNGKOL NAMAN SA MGA TAONG GUMAGAWA NG MALAKING NIFAQ AY GANITO ANG SINABI NG ALLAH PATUNGKOL SA KANILA: {(SILA AY) MGA BINGI, PIPI AT BULAG. KAYA’T HINDI NA SILA MAKAKABALIK (SA WASTONG LANDAS)}. (Qur'an 2:18)
ANG IBIG SABIHIN: HINDI NA SILA MAGBABALIK SA ISLAM SA PANANAMPALATAYANG PANLOOB.
AT NAGSABI PA ANG ALLAH PATUNGKOL SA KANILA: {HINDI BAGA NILA NAKIKITANG SILA AY DINADAAN SA PAGSUBOK, MINSAN O MAKALAWA SA BAWAT TAON? AT PAGKATAPOS, SILA AY HINDI NAGBABALIK-LOOB (SA ALLAH) AT HINDI RIN SILA NATUTUTO NG ARAL (MULA RITO)}. (Qur'an 9:126)
SINABI NI SHAIKHUL ISLAM IBNU TAIMEYAH: “NAGKAIBA ANG PAHAYAG NG MGA ESKOLAR HINGGIL SA PAGTANGGAP NG HAYAGANG PAGSISI NILA, SAPAGKAT HINDI MALALAMAN KUNG GAANO TALAGA KATOTOO ITO YAYAMANG PALAGI SILANG NAGPAPAHAYAG NA KAANIB NG ISLAM.