ANG NIFAQ SA PAGPAPAKAHULUGAN NG ISLAM AY NANGANGAHULUGANG “PAGPAPAKITA NG PAG-ANIB SA ISLAM AT KABUTIHAN, AT PAGLILINGID NG PAGKA-KUFR AT KASAMAAN”. KAYA TINAWAG NG GANOON: SAPAGKA’T ANG NIFAQ AY ANG PAGPASOK SA ISLAM SA ISANG PINTO AT PAGLABAS DOON SA IBA NAMANG PINTO NITO. KAYA ANG ALLAH AY NAGBIGAY BABALA TUNGKOL DITO.
AYON SA KANYANG SINABI:{KATOTOHANANG SILANG MGA MUNAFIQ (MAPAGKUNWARI) ANG TUNAY NA PALASUWAY (SA ALLAH)}. (Qur'an 9:67)
BAGKUS, BUKOD PA DOON ITINURING NG ALLAH ANG MGA MUNAFIQ NA MAS MASAHOL PA SA MGA TUMATANGGING SUMAMPALATAYA.
ALLAH NG SINABI: {KATOTOHANANG MAPUPUNTA ANG MGA MUNAFIQ SA PINAKAMALALIM NA KAIBUTURAN NG APOY NG IMPIYERNO}. (Qur'an 4:145)
SINABI PA NIYA: {TUNAY NA ANG MGA MUNAFIQ AY NAGSISIKAP NA LINLANGIN ANG ALLAH, NGUNI’T SIYA ANG PINAKADAKILANG GUMAWA NG GANTING PANLILINLANG LABAN SA KANILA}. (Qur'an 4:142)
AT SINABI PA NIYA: {PINAGTATANGKAAN NILANG LINLANGIN ANG ALLAH AT ANG MGA MANANAMPALATAYA, DATAPUWA’T WALA SILANG NALILINLANG KUNDI ANG KANILANG MGA SARILI, NGUNI’T HINDI NILA NARARAMDAMAN. ANG NASA MGA PUSO NILA AY KARAMDAMAN AT LALO PANG DINAGDAGAN NG ALLAH ANG KANILANG KARAMDAMAN. KAYA MAPAPASAKANILA ANG MASAKIT NA PARUSA DAHIL SA KANILANG LAGI NANG PAGSISINUNGALING}. (Qur'an 2:9-10)
ANG MGA URI NG NIFAQ: ANG NIFAQ AY MAY DALAWANG URI:
UNA: ANG NIFAQ NA KAUGNAY SA PANINIWALA: NA SIYA RIN ITONG MALAKING NIFAQ. NAGPAPAKITA ANG NAGPAPANGGAP NITO NG PAGKA-ISLAM AT INILILINGID ANG PAGKA-KUFR.
ANG GANITONG URI NG NIFAQ AY LUBUSANG NAGTITIWALAG SA ISLAM AT ANG TAONG SANGKOT DITO AY MAPUPUNTA SA PINAKAMALALIM NA KAIBUTURAN NG IMPIYERNO. AT SA KATUNAYAN ITO’Y INILARAWAN NG ALLAH NA ANG NAGTATAGLAY NITO AY NASA KANYA NA ANG LAHAT NG MGA KATANGIAN NG KASAMAAN.
TULAD HALIMBAWA NG: “PAGKA-KUFR, KAWALAN NG PANANAMPALATAYA, PANGHAHAMAK SA ISLAM AT MGA MUSLIM, PANLALAIT SA KANILA, AT LUBUSANG PAGKILING SA MGA KALABAN NG ISLAM UPANG MAKIPAGTULUNGAN SA MGA IYON SA PAGLABAN SA ISLAM”. ANG MGA TAONG ITO AY MATATAGPUAN SA LAHAT NG PANAHON LALO NA KAPAG LUMITAW ANG LAKAS NG ISLAM AT HINDI NILA MAKAYANG KALABANIN ITO NANG HAYAGAN, KAYA NAGPAPANGGAP SILANG PUMAPASOK SA ISLAM UPANG NANG SA GAYON AY PALIHIM NA MAKAGAWA NG PAKANA LABAN SA ISLAM AT MGA MUSLIM UPANG MAMUHAY KASAMA NG MGA MUSLIM AT UPANG MALAYO SA PANGANIB ANG KANILANG MGA BUHAY AT KANILANG MGA ARI-ARIAN, KAYA ANG MUNAFIQ AY NAGPAPAKITA NG PANINIWALA SA ALLAH, SA KANYANG MGA ANGHEL, SA KANYANG MGA AKLAT, SA KANYANG MGA SUGO, AT SA HULING ARAW.
SUBALIT SA KAIBUTURAN NG KANYANG PUSO AY MALAYO SIYA DOON AT NAGPAPASINUNGALING DOON. HINDI SIYA NANINIWALA SA ALLAH, NA ANG ALLAH AY NANGUSAP NG SALITANG IBINABA NIYA SA ISANG TAO NA GINAWA NIYANG SUGO PARA SA MGA TAO UPANG PATNUBAYAN ANG MGA IYON AYON SA KANYANG KAPAHINTULUTAN, BALAAN ANG MGA IYON HINGGIL SA KANYANG KABAGSIKAN AT PANGAMBAHIN SILA SA KANYANG KAPARUSAHAN.
AT WINARAK NA NG ALLAH ANG MGA TABING NG MGA MUNAFIQ NA IYON NA BUMABALOT SA KANILANG PAGKATAO AT IBINUNYAG NA NIYA SA QURAN ANG KANILANG MGA LIHIM AT IBINUKO NA NIYA SA KANYANG MGA LINGKOD ANG MGA BAGAY NA MAY KAUGNAY SA KANILA UPANG SILA’Y MAKAPAG-INGAT LABAN SA MGA BAGAY NA ITO AT SA MGA TAONG SANGKOT DITO. AT BINANGGIT NIYA ANG TATLONG PANGKAT NG TAO SA UNANG BAHAGI NG SURATUL BAQARAH;
ANG MGA MANANAMPALATAYA AT ANG MGA DISUMASAMPALATAYA AT ANG MGA MUNAFIQ. APAT NA TALATA ANG NABANGGIT NIYA TUNGKOL SA MGA MANANAMPALATAYA, DALAWANG TALATA NAMAN TUNGKOL SA MGA DI-SUMASAMPALATAYA, AT LABINGTATLONG TALATA NAMAN TUNGKOL SA MGA MUNAFIQ DAHIL SA DAMI NILA AT KALAGANAPAN NG KAPINSALAANG DULOT NILA AT KATINDIHAN NG GULONG DALA NILA SA ISLAM AT SA MGA MUSLIM.
AT ANG KAPINSALAANG DINADANAS NG ISLAM DAHIL SA KANILA AY LUBHANG MATINDI, SAPAGKAT MGA NATURINGAN SILANG MGA KAANIB NITO, INAASAHANG TUTULONG DITO AT TATANGKILIK DITO. SAMANTALANG SA KATOTOHANAN AY MGA KAAWAY SILA NITO. INILALABAS NILA ANG POOT NILA SA ISLAM SA LAHAT NG ANYONG AAKALAIN NG ISANG MANGMANG NA IYON AY KARUNUNGAN AT PAGPAPABUTI, SAMANTALANG IYON NAMAN PALA AY LABIS NA KAMANG-MANGAN AT KATIWALIAN.