ANG MGA URI NG BID-AH
ANG BID-AH SA RELIHIYON AY DALAWANG URI:
UNA: BID-AH SA PANANALITA AT PANINIWALA, TULAD NG MGA PANANALITA NG MGA GRUPONG “AL-JAHAMIYYAH, AL-MU’TAZILAH, AL-RAFIDHAH” AT LAHAT NG MGA PANGKAT NA NANGALIGAW SAMPU NG KANILANG MGA PINANINIWALAAN. TULAD HALIMBAWA NG BID-AH SA PAGSASABING ANG QURAN AY NILIKHA.
PANGALAWA: BID-AH SA PAGSAMBA, TULAD NG PAG-UUKOL SA ALLAH NG PAGSAMBANG HINDI NIYA INIATAS. AT ITO’Y BINUBUO NG APAT NA BAHAGI:
A. ANG ANUMANG MAITUTURING SA PAGKALEHITIMO NG PAGSAMBA, TULAD NG PAGSAMBA NA WALANG LEHITIMONG BATAYAN SA BATAS, KATULAD NG PAGSASAGAWA NG ISANG SALAH NA HINDI NAMAN NAIATAS ANG PAGKALEHITIMO NITO O KAYA TULAD NG MGA PANRELIHIYONG PAGDIRIWANG NA HINDI INIATAS, GAYA NG PAGDIRIWANG SA KAARAWAN NG KAPANGANAKAN ATBP.
B. ANG PAGDADAGDAG NG ANUMAN SA ISANG PAGSAMBANG INIATAS, TULAD HALIMBAWA NG PAGDARAGDAG NG IKALIMANG RAK-AH SA SALAH SA DHUHR O ASAR.
C. ANG PAGKAKAROON NG BID-AH SA PAMAMARAAN NG PAGSASAGAWA SA PAGSAMBANG INIATAS TULAD NG PAGSASAGAWA NITO SA PAMAMARAANG HINDI INIATAS, TULAD HALIMBAWA NG MGA LEHITIMONG MGA DHIKR NA ISINASAGAWA SA PARAANG SABAY-SABAY AT PAAWIT. AT TULAD NG PAGPAPAHIRAP SA SARILI SA PAGSASAGAWA NG MGA PAGSAMBA HANGGANG SA PUNTONG LUMALABAS NA SA SUNNAH NG SUGO (saw).
D. ANG ANUMANG PAGTATAKDA SA ORAS NG PAGSAMBANG INIATAS NA HINDI NAMAN TINAKDAAN NG BATAS, TULAD NG PAGTATAKDA SA ARAW AT GABI NG KALAGITNAAN NG BUWAN NG SHA’BAN PARA SA ISANG PAG-AAYUNO AT TAHAJJUD. SA KATUNAYAN ANG BATAYAN NG PAG-AAYUNO AT TAHAJJUD AY LEHITIMONG GAWAIN. SUBALI’T ANG PAGTATAKDA SA MGA ORAS NITO AY NANGANGAILANGAN NA ISANG PATUNAY.
ANG ALITUNTUNIN NG BID-AH SA RELIHIYON SA LAHAT NG URI NITO:
ANG BAWAT BID-AH SA RELIHIYON AY IPINAGBABAWAL AT ISANG PAGKALIGAW. BATAY SA SINABI NG SUGO (saw):
[AT MAG-INGAT KAYO SA MGA BAGAY NA MAKABAGO (SA RELIHIYON), SAPAGKA’T ANG BAWA’T MAKABAGONG BAGAY (SA RELIHIYON) AY BID`AH AT ANG LAHAT NG BID`AH AY PAGKALIGAW]. (ISINALAYSAY NI MUSLIM)
AT SA ISANG SANAYSAY NAMAN AY GANITO: [ANG SINUMANG GUMAWA NG ISANG GAWAIN NA HINDI ITO NAKABATAY SA AMING KAUTUSAN, IYON AY TATANGGIHAN].
ANG DALAWANG HADITH AY NAGPAPAHIWATIG NA ANG BAWAT BAGONG BAGAY SA RELIHIYON AY BID-AH AT ANG LAHAT NG BID-AH AY PAGKALIGAW NA TINATANGGIHAN.
ANG IBIG SABIHIN NIYON AY ANG MGA BID-AH SA PAGSAMBA AT PANINIWALA AY IPINAGBABAWAL, SUBALIT ANG PAGBABAWAL AY NAGKAKAIBA SA ANTAS AYON SA URI NG BID-AH.
MAY BID-AH NA TUWIRANG NAGPAPATIWALAG SA PANANAMPALATAYA: TULAD NG PAG-IKOT SA PALIBOT NG MGA LIBINGAN UPANG MAPALAPIT SA MGA NAKALIBING DOON, AT PAGHAHANDOG NG MGA ALAY AT MGA PANATA SA MGA ITO, AT PANANALANGIN SA MGA NAKALIBING DOON AT PAGHINGI NG SAKLOLO SA KANILA, AT ANG MGA SALAWIKAIN NG MGA PANATIKONG JAHAMIYYAH AT MU’TAZILAH.
AT MAY MGA BID-AH DIN NA NAGSISILBING MGA DAAN SA TUNGO SA SHIRK: TULAD NG PAGPAPATAYO NG ESTRAKTURA SA MGA LIBINGAN, AT ANG PAGSASAGAWA NG SALAH AT PANALANGIN DOON.
AT MAY MGA BID-AH PA NA KASUWAILAN SA PANINIWALA: TULAD NG BID-AH NG MGA GRUPONG KHAWARIJ AT QADARIYYAH AT MGA MURJIAH SA KANILANG MGA SALAWIKAIN AT PINANINIWALAAN NA SALUNGAT SA MGA ISLAMIKONG PATUNAY (SA ISLAM).
AT MAY BID-AH PA NA PAGSUWAY: TULAD NG PAGSAMBA NG WALANG KUPAS AT PAG-AAYUNO HABANG NAKATAYO SA INIT NG ARAW AT PAGPAPAKAPON NANG MAY LAYUNING PUTULIN ANG PAGNANASA SA PAKIKIPAGTALIK.